శోణాద్రినాథాష్టకం - Shonadrinatha Ashtakam

శోణాద్రినాథాష్టకం

శివాయ రుద్రాయ శివార్చితాయ మహానుభావాయ మహేశ్వరాయ |
సోమాయ సూక్ష్మాయ సురేశ్వరాయ శోణాద్రినాథాయ నమఃశివాయ || 1 ||

దిక్పాలనాథాయ విభావనాయ చంద్రార్ధచూడాయ సనాతనాయ |
సంసారదుఃఖార్ణవతారణాయ శోణాద్రినాథాయ నమఃశివాయ || 2 ||

జగన్నివాసాయ జగద్ధితాయ సేనానినాథాయ జయప్రదాయ |
పూర్ణాయ పుణ్యాయ పురాతనాయ శోణాద్రినాథాయ నమఃశివాయ || 3 ||

వాగీశవంద్యాయ వరప్రదాయ ఉమార్ధదేహాయ గణేశ్వరాయ |
చంద్రార్కవైశ్వానరలోచనాయ శోణాద్రినాథాయ నమఃశివాయ || 4 ||

రథాధిరూఢాయ రసాధరాయ వేదాశ్వయుక్తాయ విధిస్తుతాయ |
చంద్రార్కచక్రాయ శశిప్రభాయ శోణాద్రినాథాయ నమఃశివాయ || 5 ||

విరించిసారథ్యవిరాజితాయ గిరీంద్రచాపాయ గిరీశ్వరాయ |
ఫాలాగ్నినేత్రాయ ఫణీశ్వరాయ శోణాద్రినాథాయ నమఃశివాయ || 6 ||

గోవిందబాణాయ గుణత్రయాయ విశ్వస్య నాథాయ వృషధ్వజాయ |
పురస్య విధ్వంసనదీక్షితాయ శోణాద్రినాథాయ నమఃశివాయ || 7 ||

జరాదివర్జ్యాయ జటాధరాయ అచింత్యరూపాయ హరిప్రియాయ |
భక్తస్య పాపౌఘవినాశనాయ శోణాద్రినాథాయ నమఃశివాయ || 8 ||

స్తుతిం శోణాచలేశస్య పఠతాం సర్వసిద్ధిదం |
సర్వసంపత్ప్రదం పుంసాం సేవంతాం సర్వతో జనాః  || 9 ||

సర్వేజనాః సుఖినోభవంతు

శుభమస్తు

గోమాతను పూజించండి, గోమాతను సంరక్షించండి.