త్రిపురసుందర్యష్టకం - Tripurasundari Ashtakam

త్రిపురసుందర్యష్టకం

కదంబవనచారిణీం మునికదంబకాదంబినీం

నితంబజితభూధరాం సురనితంబినీసేవితామ్

నవాంబురుహలోచనామభినవాంబుదశ్యామలాం

త్రిలోచనకుటుంబినీం త్రిపురసుందరీమాశ్రయే || ౧ ||

కదంబవనవాసినీం కనకవల్లకీధారిణీం

మహార్హమణిహారిణీం ముఖసముల్లసద్వారుణీమ్

దయావిభవకారిణీం విశదరోచనాచారిణీం

త్రిలోచనకుటుంబినీం త్రిపురసుందరీమాశ్రయే || ౨ ||

కదంబవనశాలయా కుచభరోల్లసన్మాలయా

కుచోపమితశైలయా గురుకృపాలసద్వేలయా

మదారుణకపోలయా మధురగీతవాచాలయా

కయాపి ఘననీలయా కవచితా వయం లీలయా || ౩ ||

కదంబవనమధ్యగాం కనకమండలోపస్థితాం

షడంబురుహవాసినీం సతతసిద్ధసౌదామినీమ్

విడంబితజపారుచిం వికచచంద్ర చూడామణిం

త్రిలోచనకుటుంబినీం త్రిపురసుందరీమాశ్రయే || ౪ ||

కుచాంచితవిపంచికాం కుటిలకుంతలాలంకృతాం

కుశేశయనివాసినీం కుటిలచిత్తవిద్వేషిణీమ్

మదారుణవిలోచనాం మనసిజారిసమ్మోహినీం

మతంగమునికన్యకాం మధురభాషిణీమాశ్రయే || ౫ ||

స్మరేత్ప్రథమపుష్పిణీం రుధిరబిందునీలాంబరాం

గృహీతమధుపాత్రికాం మదవిఘూర్ణనేత్రాంచలామ్

ఘనస్తనభరోన్నతాం గలితచూలికాం శ్యామలాం

త్రిలోచనకుటుంబినీం త్రిపురసుందరీమాశ్రయే || ౬ ||

సకుంకుమవిలేపనామళికచుంబికస్తూరికాం

సమందహసితేక్షణాం సశరచాపపాశాంకుశామ్

అశేషజనమోహినీమరుణమాల్య భూషాంబరాం

జపాకుసుమభాసురాం జపవిధౌ స్మరామ్యంబికామ్ || ౭ ||

పురందరపురంధ్రికాం చికురబంధసైరంధ్రికాం

పితామహపతివ్రతాం పటుపటీర చర్చారతామ్

ముకుందరమణీ మణీ లసదలంక్రియాకారిణీం

భజామి భువనాంబికాం సురవధూటికాచేటికామ్ || ౮ ||

సర్వేజనాః సుఖినోభవంతు

శుభమస్తు

గోమాతను పూజించండి, గోమాతను సంరక్షించండి.

Tripurasundari Ashtakam

kadambavanacarinim munikadambakadambinim

nitambajita bhudharam suranitambinisevitam ।

navamburuhalocanamabhinavambudasyamalam

trilocanakutumbinim tripurasundarimasraye ॥ 1॥

kadambavanavasinim kanakavallakidharinim

maharhamaniharinim mukhasamullasadvarunim ।

dayavibhavakarinim visadalocanim carinim

trilocanakutumbinim tripurasundarimasraye ॥ 2॥

kadambavanasalaya kucabharollasanmalaya

kucopamitasailaya gurukrpalasadvelaya ।

madarunakapolaya madhuragitavacalaya

kaya’pi ghananilaya kavacita vayam lilaya ॥ 3॥

kadambavanamadhyagam kanakamandalopasthitam

sadamburuhavasinim satatasiddhasaudaminim ।

vidambitajaparucim vikacacamdracudamanim

trilocanakutumbinim tripurasundarimasraye ॥ 4॥

kucancitavipancikam kutilakuntalalamkrtam

kusesayanivasinim kutilacittavidvesinim ।

madarunavilocanam manasijarisammohinim

matangamunikanyakam madhurabhasinimasraye ॥ 5॥

smaraprathamapuspinim rudhirabindunilambaram

grhitamadhupatrikam madavighurnanetrancalam ।

ghanastanabharonnatam galitaculikam syamalam

trilocanakutumbinim tripurasundarimasraye ॥ 6॥

sakunkumavilepanamalakacumbikasturikam

samandahasiteksanam sasaracapapasankusam ।

asesajanamohinimarunamalya bhusambaram

japakusumabhasuram japavidhau smaramyambikam ॥ 7॥

puramdarapuramdhrikam cikurabandhasairamdhrikam

pitamahapativratam patapatiracarcaratam ।

mukundaramanimanilasadalamkriyakarinim

bhajami bhuvanambikam suravadhutikacetikam ॥ 8॥

iti srimad samkaracaryaviracitam tripurasundariastakam samaptam