శ్రీ గాయత్రి స్తోత్రం - Sri Gayatri Stotram

శ్రీ గాయత్రి స్తోత్రం

నమస్తే దేవి గాయత్రీ సావిత్రీ త్రిపదేక్షరీ |

అజరేమరే మాతా త్రాహి మాం భవసాగరాత్ ||

నమస్తే సూర్యసంకాశే సూర్యసావిత్రికేమలే |

బ్రహ్మవిద్యే మహావిద్యే వేదమాతర్నమోస్తు తే ||

అనంతకోటిబ్రహ్మాండవ్యాపినీ బ్రహ్మచారిణీ |

నిత్యానందే మహామాయే పరేశానీ నమోస్తు తే ||

త్వం బ్రహ్మా త్వం హరిః సాక్షాద్రుద్రస్త్వమింద్రదేవతా |

మిత్రస్త్వం వరుణస్త్వం చ త్వమగ్నిరశ్వినౌ భగః ||

పూషార్యమా మరుత్వాంశ్చ ఋషయోపి మునీశ్వరాః |

పితరో నాగయక్షాంశ్చ గంధర్వాప్సరసాం గణాః ||

రక్షోభూతపిశాచాశ్చ త్వమేవ పరమేశ్వరీ |

ఋగ్యజుస్సామవిద్యాశ్చ హ్యథర్వాంగిరసాని చ ||

త్వమేవ సర్వశాస్త్రాణి త్వమేవ సర్వసంహితాః |

పురాణాని చ తంత్రాణి మహాగమమతాని చ ||

త్వమేవ పంచభూతాని తత్త్వాని జగదీశ్వరీ |

బ్రాహ్మీ సరస్వతీ సంధ్యా తురీయా త్వం మహేశ్వరీ ||

తత్సద్బ్రహ్మస్వరూపా త్వం కించిత్సదసదాత్మికా |

పరాత్పరేశీ గాయత్రీ నమస్తే మాతరంబికే ||

చంద్రకళాత్మికే నిత్యే కాళరాత్రి స్వధే స్వరే |

స్వాహాకారేగ్నివక్త్రే త్వాం నమామి జగదీశ్వరీ ||

నమో నమస్తే గాయత్రీ సావిత్రీ త్వం నమామ్యహమ్ |

సరస్వతీ నమస్తుభ్యం తురీయే బ్రహ్మరూపిణీ ||

అపరాధ సహస్రాణి త్వసత్కర్మశతాని చ |

మత్తో జాతాని దేవేశీ త్వం క్షమస్వ దినే దినే ||

సర్వేజనాః సుఖినోభవంతు

శుభమస్తు

గోమాతను పూజించండి, గోమాతను సంరక్షించండి.