అనుగ్రహదా (పంచాక్షరి)
ఇది అయిదు అక్షరముల మంత్రము. పూజాసమయంలో "అనుగ్రహదాయై నమః" అని శ్రద్ధా భక్తులతో ఉచ్చరించాలి.
అనుగ్రహదా = క్రమ పద్ధతిలో గ్రహించిన దానిని క్రమపద్ధతిలో ఇచ్చునది శ్రీదేవి.
కల్పాంతరమునందు తనలో విలీనం చేసుకొనిన అనగా తాను గ్రహించిన సమస్త ప్రపంచాన్ని మరల ఇచ్చేది శ్రీదేవి.
అనుగ్రహము అంటే దయ అనియు అర్థము గలదు. "ఎదుటి వారి కష్టాలనుగాంచి వారిని ఆ కష్టాల నుండి తొలగించాలి అనే ఆర్ధగుణాన్ని అనుగ్రహం, దయ మొదలైన నామాలతో వ్యవహరిస్తారు. అట్టి దయను, అనుగ్రహాన్ని ఇచ్చేది శ్రీదేవి. సంసార బాధలతో దిక్కుతోచక విలపించే ఆర్తులను రక్షించేది పరాశక్తి అని సారాంశము.
ఈ అనుగ్రహం అనేది దాత యొక్క యోగ్యతను అనుసరించియే సామాన్యంగా ఉంటుంది. మహారాజు కడకు పోయి భిక్షను అడిగినచో ఆ ప్రభువు తాత్కాలిక భిక్షనే గాక శాశ్వత భుక్తికై ఏదేని అగ్రహారాన్నే దానం చేస్తాడు. అలాగే దేవీ అనుగ్రహం సైతం తాత్కాలిక దారిద్ర్యాది దుఃఖ నివృత్తితోబాటు శాశ్వతాత్మానంద సుఖదాయకమై ఉంటుంది.
అమ్మను సేవించే వారికి భౌతిక సుఖాలు, ఆధ్యాత్మిక సుఖాలు అన్నియూ లభిస్తాయి.
 - Panchakshari){kind=link}
0 Comments