శ్రీ మృత్యుంజయ అక్షరమాలా స్తోత్రం

శ్రీ మృత్యుంజయ అక్షరమాలా స్తోత్రం

మృత్యుంజయా పాహి మృత్యుంజయా పాహి
మృత్యుంజయా పాహి మృత్యుంజయా |

అద్రీశజాఽధీశ విద్రావితాఘౌఘ భద్రాకృతే పాహి మృత్యుంజయా |
ఆకాశకేశాఽమరాధీశవంద్యా త్రిలోకేశ్వరా పాహి మృత్యుంజయా |
ఇందూఫలేందుప్రభోత్ఫుల్ల కుందారవిందాకృతే పాహి మృత్యుంజయా |
ఈక్షాహతానంగ దాక్షాయణీనాథ మోక్షాకృతే పాహి మృత్యుంజయా |
ఉక్షేశ సంచార యక్షేశ సన్మిత్ర దక్షార్చితా పాహి మృత్యుంజయా |
ఊహాపథాఽతీతమాహాత్మ్యసంయుక్త మోహాంతకా పాహి మృత్యుంజయా |
ఋద్ధిప్రదాఽశేషబుద్ధిప్రతారజ్ఞ సిద్ధేశ్వరా పాహి మృత్యుంజయా |
ౠపర్వతోత్తుంగ శృంగాగ్రసంగాగహేతో సదా పాహి మృత్యుంజయా |
ఌప్తాత్మభక్తౌఘ సంఘాతి సంఘాతుకారిప్రహన్ పాహి మృత్యుంజయా |
ౡతీకృతానేకపారాది కృత్యంతనేయాధునా పాహి మృత్యుంజయా |
ఏకాదశాకార రాకేందుసంకాశ శోకాంతకా పాహి మృత్యుంజయా |
ఐశ్వర్యధామాఽర్కవైశ్వానరాభాస విశ్వాధికా పాహి మృత్యుంజయా |
ఓషధ్యధీశాంకభూషాధిపాపౌఘ మోక్షప్రదా పాహి మృత్యుంజయా |
ఔద్ధత్యహీన ప్రబుద్ధప్రభావ ప్రబుద్ధాఖిలా పాహి మృత్యుంజయా |
అంబాసమాశ్లిష్ట లంబోదరాపత్యబింబాధరా పాహి మృత్యుంజయా |
అస్తోకకారుణ్య దుస్తారసంసారనిస్తారణా పాహి మృత్యుంజయా |
కర్పూరగౌరాంగ సర్పాడ్య కందర్పదర్పాపహా పాహి మృత్యుంజయా |
ఖద్యోతనేత్రాగ్ని విద్యుద్గ్రహారక్ష విద్యోదితా పాహి మృత్యుంజయా |
గంధేభచర్మాంగ సక్తాంగసంసారసింధుప్లవా పాహి మృత్యుంజయా |
ఘర్మాంశుసంకాశ ధర్మైకసంప్రాప్యశర్మప్రదా పాహి మృత్యుంజయా |
ఙోత్పత్తిబీజాఽఖిలోత్పత్తిబీజాఽమరాధీశ మాం పాహి మృత్యుంజయా |
చంద్రార్ధచూడాఽమరేంద్రార్చితాఽఽనందసాంద్రా ప్రభో పాహి మృత్యుంజయా |
ఛందస్మిరోరత్నసందోహ సంవేద్య మందస్మితా పాహి మృత్యుంజయా |
జన్మక్షయాఽతీత చిన్మాత్రమూర్తే భవోన్మూలితా పాహి మృత్యుంజయా |
ఝణచ్చారుఘంటామణివ్రాతకాంచీగుణశ్రేణికా పాహి మృత్యుంజయా |
ఞిత్యష్టచింతాంతరంగ శ్రమోదాననాఽనందకృత్ పాహి మృత్యుంజయా |
టంకాతిటంకా మరున్నేత్రరంగాననా సంగతా పాహి మృత్యుంజయా |
ఠాళీమహాపాళికేళీ తిరస్కారి సత్కేలనా పాహి మృత్యుంజయా |
డోలాయమానాఽంతరంగీకృతాఽనేకలాస్యేశ మాం పాహి మృత్యుంజయా |
ఢక్కాధ్వనిధ్వానదాహధ్వనిభ్రాంతశతృత్వ మాం పాహి మృత్యుంజయా |
ణాకార నేత్రాంతసంతోషితాత్మ శ్రితానంద మాం పాహి మృత్యుంజయా |
తాపత్రయాత్యుగ్రదావానలాసాక్షిరూపాఽవ్యయా పాహి మృత్యుంజయా |
స్థాణో మురారాతిబాణోల్లసత్పంచబాణాంతకా పాహి మృత్యుంజయా |
దీనావనాద్యంతహీనాగమంతైకమానోదితా పాహి మృత్యుంజయా |
ధాత్రీపురాధీశపుత్రీపరిష్వంగచిత్తాకృతే పాహి మృత్యుంజయా |
నందీశవాహాఽరవిందాసనారాధ్య వేదాకృతే పాహి మృత్యుంజయా |
పాపాంధకారప్రదీపాఽద్వయానందరూపా ప్రభో పాహి మృత్యుంజయా |
ఫాలంబకానంతనీలోజ్జ్వలన్నేత్ర శూలాయుధా పాహి మృత్యుంజయా |
బాలార్కబింబాంశు భాస్వజ్జటాజూటికాఽలంకృతా పాహి మృత్యుంజయా |
భోగీశ్వరాఽనంతయోగిప్రియాఽభీష్టభోగప్రదా పాహి మృత్యుంజయా |
మౌళిద్యునద్యూర్మిమాలాజటాజూట కాళిప్రియా పాహి మృత్యుంజయా |
యజ్ఞేశ్వరా ఖండధజ్ఞానిధే దక్షయజ్ఞాంతకా పాహి మృత్యుంజయా |
రాకేందుకోటిప్రతీకాశలోకాదిసృడ్వందితా పాహి మృత్యుంజయా |
లంకేశవంద్యాంఘ్రిపంకేరుహాఽశేషశంకాపహా పాహి మృత్యుంజయా |
వాగీశవంద్యాంఘ్రిరుందారుమందార శౌరిప్రియా పాహి మృత్యుంజయా |
శర్వాఽఖిలాధార సర్వేశ గీర్వాణగర్వాపహా పాహి మృత్యుంజయా |
షడ్వక్త్రతాత త్రిషాడ్గుణ్య లోకాదిసృడ్వందితా పాహి మృత్యుంజయా |
సోమావతంసాంతరంగ స్వయంధామ సామప్రియా పాహి మృత్యుంజయా |
హేలానిగీర్ణోగ్రహాలాహలాసహ్య కాలాంతకా పాహి మృత్యుంజయా |
ళాణీధరాధీశ బాణాసనాపాప్త శోణాకృతే పాహి మృత్యుంజయా |
క్షిత్యంబుతేజో మరుద్వ్యోమ సోమాత్మ సత్యాకృతే పాహి మృత్యుంజయా |
ఈశార్చితాంఘ్రే మహేశాఽఖిలావాస కాశీపతే పాహి మృత్యుంజయా ||
మృత్యుంజయా పాహి మృత్యుంజయా పాహి
మృత్యుంజయా పాహి మృత్యుంజయా |

ఇతి శ్రీ మృత్యుంజయ అక్షరమాలికా స్తోత్రమ్