శివ పంచాక్షరీ స్తోత్రం - Shiva Panchakshari Stotram

శివ పంచాక్షరీ స్తోత్రం

నాగేంద్రహారాయ త్రిలోచనాయ

భస్మాంగరాగాయ మహేశ్వరాయ

నిత్యాయ శుద్ధాయ దిగంబరాయ

తస్మై "న" కారాయ నమశ్శివాయ 

మందాకినీ సలిల చందన చర్చితాయ

నందీశ్వర ప్రమథనాథ మహేశ్వరాయ

మందార ముఖ్య బహుపుష్ప పూజితాయ

తస్మై "మ" కారాయ నమశ్శివాయ

శివాయ గౌరీ వదనారవింద

సూర్యాయ దక్షాధ్వర నాశనాయ

శ్రీ నీలకంఠాయ వృషభద్వజాయ

తస్మై "శి" కారాయ నమశ్శివాయ

వశిష్ఠ కుంభోద్భవ గౌతమాది

మునీంద్ర దేవార్చిత శేఖరాయ

చంద్రార్క వైశ్వానర లోచనాయ

తస్మై "వ" కారాయ నమశ్శివాయ

యక్షస్వరూపాయ జటాధరాయ

పినాకహస్తాయ సనాతనాయ

సుదివ్యదేహాయ దిగంబరాయ

తస్మై "య" కారాయ నమశ్శివాయ

పంచాక్షరమిదం పుణ్యం యః పఠేచ్ఛివ సన్నిధౌ

శివలోక మవాప్నోతి శివేన సహమోదతే.

ఓం నమః శివాయ నమో నమః