శ్రీ గణేశ ప్రార్థన - Shri Ganesha Prayer

గణేశ ప్రార్థన

తొండము నేకదంతము తోరపు బొజ్జయు వామహస్తమున్

మెండుగ మ్రోయుగజ్జెలును మెల్లని చూపులు మందహాసమున్

కొండొక గుజ్జురూపము కోరిన విద్యలకెల్ల నొజ్జయై యుండెడి

పార్వతీ తనయ ఓయి గణాధిప నీకు మ్రొక్కెదన్ ||

తొలుత నవిఘ్నమస్తనుచు ధూర్జటి నంద నీకు మ్రొక్కెదన్

ఫలితము సేయుమయ్య నిను బ్రార్ధన జేసెడ నేకదంత నా

వలపలి చేతి గంటమున వాక్కున నెప్పుడు బాయకుండు మీ

తలపున నిన్ను వేడెదను దైవగణాధిప లోక నాయకా ||

తలచితినే గణనాధుని! తలచితినే విగ్న పతిని దలచిన పనిగా

దలచితినే హేరంబుని దలచితినా విగ్నములను తొలగుట కొరకున్ ||

అటుకులు కొబ్బరి పలుకులు చిట్టి బెల్లము నాను బ్రాలు చెరకుర సంబున్

విటలాక్షునగ్ర సుతునకు పటుతరముగ విందు చేత ప్రార్ధింతు మదిన్ ||